كثير من المسيحيين يستهوييهم دور الضحيه ....
وتفسير ما يحدث بل و تبرير ما يحدث ضدهم من عنف بأيات من الكتاب مثلا يقولك ماهو مكتوب " في العالم سيكون لكم ضيق "
مرة بتناقش مع استاذ كبير ف الخدمه قالي داحنا المفروض نفرح لما يحصل ضيقات ضدنا لان كده كلام الكتاب بيتفذ و كاني مستني انا الضيقه عشان انبسط بكلام الكتاب !!!!!
ومن اهم مميزات المواطن المسيحي المصري انه الوحيد اللي مش بيطالب بحقه ف البلد .... ليه ؟!
تلاقيه يقولك انزل اتظاهر ايه ... ايه الكلام ده ؟!! يابنى ده الكتاب بيقول "مملكتي ليست من هذا العالم "
علي فكرة دة انا مش شايف انه درجه من درجات الايمان لا انا شايفها نوع من انواع الحيل الدفاعيه "دي حاجه كده معروفه ف علم النفس بيعملها المخ من غير ما تحس عشان يقلل التوير و الصراع عندك لما تواجه مشكله"
اي والله ..... تلاقيه متغاظ و هيطق و بيكرة الاخوان و بيشتم الاخوان "مع ان كل ذه ضد تعاليم الكتاب" و عمال يولول ويشكي و يندب حظة ...تيجى تقوله انزل معانا المظاهره... يفتكر فجاه ابايات اللي تبرر عدم نزوله و ايمانه ان ربنا موجود وهو هيتصرف وانة واثق فية انة هيعمل اللى فية الخير....
علي فكرة بالطريقه دي انت ممكن تكفر و تفقد الثقه في ربك اساسا لما تلاقيه ماتصرفش... وهو مش هيتصرف الا لما انت تتحرك ...
انزل .... اه هتقولي انا بصلي اوك صلي صلام صغيرة كده من دلوقتي ليوم 30 و انزل مع ااخواتك يوم 30
انزل .... ربك مش هيتصرف يا حبيبي الا لما تنزل و تطالب بحقوقك كمواطن في البلد
انزل .... علي فكرة لما تنزل هتلاقي كتير من اخواتك المسلمين كويسين و حلوين و بيطالبوا بحقوقك انت ومن زمان من ايام ما كنت نايم في البيت علي سريرك و بتقول عليهم انهم خربوا البلد
انزل .... وبلاش التبريرات اللي بتقولها وانت من جواك مش مقتنع بيها
انزل .... خايف من ايه تاني؟؟ هتتقتل ...ههههه مانت مككن تتقتل في حادثه عربيه ف حناقه مللكش فيها ذنب او من المرض اللي داير ف البلد او .......
انزل .... وماتقولش نزولي مش هيفيد.... جرب الاول وشوف
انزل .... حقوقك مش هتيجي بالسهل لازم تنزل تنتزعها
انزل .... ع الاقل تقدر ترفع عينك في وش ولادك و تقولهم في يوم من الايام نزلت الشارع عشانك عشان حقوقكم يا ولادي في البلد دي ماتضيعش بدال لما يسالك كنتوا فين؟؟ يا تكدب يا تحط وشك في الارض
انزل .... و ماتستناش كنيسه ولا كاهن يفولك انزل او ماتنزلش ....لان ده مش دورة
انزل .... انت مواطن كصري تظاهر تحت رايه واحده هي علم مصر لانك نازل تطالب بحقوقك كمواطن مصري مش بمميزات لانك اقليه مسيحيه
انزل .... عشان ماتقعدش تعيط بعدين و تقول شوفت الاخوان الوحشين و الناس امات دقون بيعملوا فينا ايه
انزل .... طالب بحقك ..بس والنبي يا شيخ لما تقعد في البيت ماتجيش تقول علينا خربت البلد لانك انت اللي خربتها بسلبيتك
انزل ....بطل سلبية وشارك بلدك محتاجاك
انزل .... تعبتووووووووووووووووووووووونا من كتر ما قلناها
انزل .... تعبتووووووووووووووووووووووونا من كتر ما قلناها
ليست هناك تعليقات:
إرسال تعليق